PEGI - TUNDIMI I FUNDIT - NIKOS KAZANTZAKIS

Përshkrimi:

Romani “Tundimi i fundit”, i konsideruar si kryeveper nga kritiket ne mbare boten, eshte nje interpretim laik i Ungjillit.

I botuar per here te pare ne vitit 1955, ne te rrefehet jeta e Jezu Krishtit nga perspektiva e vete Jezuit. Kazanxaqis, ky gjigand i letersise moderne rrefen dashurine dhe pasionin e nje njeriu cfaredo: Jezuit te Nazaretit.

Biri i nje zdrukthetari, njeriu Jezu deshiron te dashurohet me nje grua, te krijoje familje, te jetoje si gjithe te tjeret.

Ne te njejten kohe, brenda tij kumbon i paperballueshem zeri i Zotit, i cili e therret drejt nje jete plot sakrifica dhe nje vdekjeje plot vuajtje.

Konflikti i brendshem i njeriut, beteja midis mishit dhe shpirtit, instinkti i rebelimit dhe deshira per t'u puqur me Zotin, shperfaqen ne nje afresk rrefyes qe larteson sakrificen e madhe te Krishtit.

Ne kryq, tashme buze vdekjes, Jezui perfytyron jeten e tij po te mos kishte ndjekur thirrjen e Zotit; ky eshte dhe tundimi i tij i fundit.

Teza qendrore e librit eshte qe Jezui, megjithese i lire nga mekati, ishte i prekur nga frika, dyshimi, depresioni, ngurrimi dhe epshi.

Autori ka perfytyruar nje Jezu shume njerezor, te tunduar, te kapluar nga frika, dyshimi dhe dhimbja.

Sipas tij, nese Jezui do t'i ishte dhene njerit prej ketyre tundimeve, e sidomos nese do te kishte shfrytezuar mundesine per te shpetuar veten e tij nga kryqi, atehere jeta e tij nuk do te kishte pasur me shume kuptim se ajo e cdo filozofi tjeter.

Pertej betejes midis detyrimeve fetare dhe natyres njerezore, ky roman mund te interpretohet edhe si shfaqja e nje kontradikte me themelore akoma, me prane moralit dhe per kete arsye, thelbesisht ose teresisht njerezore.

Sic rrefen edhe shkrimtarja Oriana Fallaci kur tregon se si i dashuri i saj, Panagoulis, nje revolucionar grek, eshte ndier gjate nje nate te kaluar ne qeli, teksa priste ekzekutimin: sa prane rrefimit te oreve te fundit te Krishtit te Kazanxaqisit eshte ndier ai, sa i tunduar per t'u dorezuar, per te hequr dore nga revolucioni e per te shpetuar jeten e tij.

Guri themeltar i moralit njerezor gjendet pikerisht ne kete perballje epike: midis bindjeve tona me te thella, me te sinqerta e me te verteta dhe cmimit te rende qe mbart shpesh pohimi, mbrojta dhe perparimi i ketyre, deri ne fund, deri ne vdekje.

Nuk ka gje me hyjnore se sa te sakrifikohesh per ate ne cfare beson, per ate qe do, cfaredoqofte ajo.

Per shkak te subjektit te tij, romani ka nxitur debate, kundershtime dhe akuza per blasfemi.

Ai shfaqet ende shpesh ne listat e librave te ndaluar.

Ne vitin 1988, Martin Scorsese si regjisor, Willem Dafoe, ne rolin e Jezuit dhe Harvey Keitel, ne rolin e Judes, bashkepunuan ne ekranizimin e ketij romani, per nje film qe do te ishte po aq i debatuar dhe percares sa edhe vete libri.

Specifikat e Librit:

• Numri ISBN: 978-9928-200-43-3
• Nr. i Fletëve: 508
• Autori: Nikos Kazantzakis
• Shtëpia Botuese: Pegi
• Viti i Publikimit: 2015

Në kryq, tashmë buzë vdekjes, Jezui përfytyron jetën e tij po të mos kishte ndjekur thirrjen e Zotit; ky është dhe tundimi i tij i fundit!