PEGI - PA HERONJ, PA BUJE - NDRIÇIM ADEMAJ

Përshkrimi:

Nje histori qe pershkon dy kohe, dy vende, dy perjetime te ndryshme ne dukje te huaja per njera-tjetren.

Heroi yne lekundet mes nje dashurie te pavetedijshme per Saren dhe kujtimeve gjysme te trishta - gjysme gazmore te femijerise se tij ne Kosove.

Xhim-Nimi i gjendur ne nje shtrat spitali, ne nje te tashme qe ai e vete e quan "koha zero" (ne kuptimin material dhe mendor te saj) rinderton me flashbeck-e te vazhdueshem, jeten e tij te deritashme.

Ka shume per te kujtuar nga e shkuara e afert, e kaluar rrugeve te panjohura te Gjeneves, ku endet si nje refugjat nga njeri bar ne tjetrin, ne kerkim te dickaje qe as ai vete s'e di c'eshte; por s'mbetet pas as rremimi ne femijeri, marredhenia e veshtire dhe e dhunshme me te atin, dashuria ligeshtuese e se emes, neperkembja prej djemve te lagjes, flirtet e para te embla me shoqet e klases, per t'u perqendruar me tej te lufta e ashper e serbeve kunder Kosoves, nje lufte qe pare nga syte e femijeve here tingellon jo fort e eger, (femijet lumturohen kur mbyllet shkolla), here shfaqet me gjithe makabritetin e saj.

Ne kete roman, nuk ka idhuj, ka njerez te mundur, te tradhtuar, here-here te harruar, qe s'dine te rrahin gjoksin, por rreken te mbijetojne.

Shkurt eshte nje roman qe fare mire mund te ishte shkruar nga cilido autor qe ka provuar mbi kurriz luften dhe jo vetem ate te verteten, por luften e perditshme per te mbetur individ i pacenuar dhe i qete menderisht e shpirterisht.

Autori nuk gjykon, ai thjesht rrefen me nje gjuhe te qarte, dhe here pas here le te nenkuptoje me shume se c'ka tregon.

Mes dy aneve te medaljes, Xhim-Nimi ndihet i perhumbur rrugeve te Zvicres ne kerkim te nje identiteti, qe nuk mund te hiqet e te vishet si nje gune e erret dimri, por qe te qendron prane, ne ane, ne brinje, si nje kone e vogel e ledhatuese, e me raste, shnderrohet ne nje bishe te pakontrollueshme.

E atehere, mbetet vetem t'i kthesh gjoksin bishes, ta degjosh te hungerije e te te tregoje dhembet, te ndiesh eren e terbimit te saj e te veresh deshperimin qe i flakeron ne sy.

Specifikat e Librit:

• Numri ISBN: 978-9928-228-93-2
• Nr. i Fletëve: 146
• Autori: Ndriçim Ademaj
• Shtëpia Botuese: Pegi
• Viti i Publikimit: 2017

Një histori që përshkon dy kohë, dy vende, dy përjetime të ndryshme në dukje të huaja për njëra-tjetrën!