ONUFRI - PRILLI I THYER - ISMAIL KADARE

Përshkrimi:

I shkruar me 1978 dhe i botuar fillimisht me 1980 ne nje permbledhje tregimesh e novelash, te titulluar "Gjakftohtesia", "Prilli i thyer" e pa driten e botimit si liber me vete shume vite me pas, pas renies se komunizmit.

I vetmi roman ne qender te te cilit shtjellohen ngjarje qe lidhen me kodin zakonor shqiptar, nje nga shenjat identifikuese me te mocme e te dallueshme te kombit, kjo veper eshte nje nder me te njohurat e Kadarese ne planin boteror.

"Prilli i thyer" eshte ekranizuar per film artistik tri here.

Versioni i pare ka qene shqiptar, i dyti francez dhe i treti brazilian.

Duke lexuar "Prillin e thyer" kuptohet lehtesisht perse dhe me cfare force Ismail Kadare eshte pasionuar per tragjedine dhe per dy perfaqesuesit me te shquar te saj, Shekspirin dhe Eskilin.

"Miku, besa dhe gjakmarrja jane rrotat e mekanizmit te tragjedise antike, dhe te futesh ne mekanizmin e tyre eshte te shikosh mundesine e tragjedise".

Ne rrafshnalten ku udhetojne Besian Vorpsi dhe gruaja e tij kjo mundesi eshte nje realitet shumeshekullor.

Kadare e ka vendosur kuadrin e romanit te tij ne krahinen e Mirdites, nje rrafshnalte e izoluar nga pjesa tjeter e vendit, pa rruge te denja per kete emer, dhe bastion katolik e tradicionalist.

Ketu, ne kete atelie te tragjedise shkrimtari ka perqendruar karakteristikat e kanunit (domethene canon, e drejta zakonore) te shume krahinave te veriut e te lindjes, te marra nga pershtypjet e mbledhura gjate qendrimit te tij ne veri, ne fund te viteve '70.

Keshtu, personazhi i Ali Binakut eshte huajtur nga realiteti: Binak Aliu, qe eshte emri i tij i vertete, ishte nje nga figurat e shquara te Verilindjes se Shqiperise ne fund te shekullit XIX.

Meqenese ne kemi te bejme me nje kanun te ngjeshur, te pasuruar, tragjedia ka te gjitha mjetet e mundshme per t'u shprehur.

Romani ilustron nenet me te shquara zakonore te ketij kanuni te tmerrshem.

Specifikat e Librit:

• Numri ISBN: 9992753501
• Nr. i Fleteve: 200
• Autori: Ismail Kadare
• Shtëpia Botuese: Onufri
• Viti i Publikimit: 2003

Miku, besa dhe gjakmarrja janë rrotat e mekanizmit të tragjedisë antike!